Hewlêr (Rûdaw) – Senatorê Amerîkayê Chris Van Hollen piştgiriya Kongreya Amerîkayê ya ji bo Herêma Kurdistanê dubare kir
Konferansa Ewlehiyê ya Munîhê (MSC) îro dest pê kir û Serokê Herêma Kurdistanê Nêçîrvan Barzanî jî yek ji beşdaran e.
Serokatiya Herêma Kurdistanê diyar ku Nêçîrvan Barzanî di çarçoveya Konferansa Ewlehiyê ya Munîhê de bi "dostê dêrîn ê Kurdistanê" Senatorê Amerîkayê Chris Van Hollen re civiya.
Li gorî daxuyaniyê Chris Van Hollen diyar kir ku dê piştgiriya Kongreya Amerîkayê ya ji bo Herêma Kurdistanê berdewam bike.
Li gorî daxuyaniya Serokatiya Herêma Kurdistanê, Senator Hollen pesnê rola Herêma Kurdistanê ya di parastina aramî û siqamgîriyê li herêmê de da.
Pêşhatên dawî yên Rojhilata Navîn bi giştî û bandorên wan mijarên din ên civînê bûn.
Konferansa Ewlehiyê ya Munîhê
Konferansa Ewlehiyê ya Munîhê (MSC) îsal cara 61ê di navbera 14-16ê Sibatê de tê lidarxistin.
Di rojeva konferansê de “plana aştiyê ya Donald Trump a ji bo Ukraynayê” û “rewşa Rojhilata Navîn” dê cih bigirin.
Konferansa Ewlehiyê ya Munîhê (MSC) dê di warê ewlehî û siyaseta derve de bibe mezûvana nîqaşên girîng ên cîhanî.
MSC yek ji konferansên herî girîng ên ewlehiyê yên cîhanê ye û cara ewil sala 1963yan hatibû lidarxistin.
Her sal bi sedan rêberên girîng ên cîhanê beşdarî vê konferansê dibin û pirsgirêk û gef û metirsiyên ewlehiyê yên cîhanî dinirxînin.
Konferans di nêzîkirina perspektîvên cuda û zêdekirina baweriya di navbera welatan de roleke girîng dilîze.
#VÎDEO - Serokê Herêma Kurdistanê Nêçîrvan Barzanî li Munîhê bi Senatorê Amerîkayî Chris Van Hollen re civiya#MSC2025 pic.twitter.com/lVCrhOqq7c
— RudawKurdi (@RudawKurdi) February 14, 2025
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse