Hewlêr (Rûdaw) - Hêzên Pêşmergeyan li parêzgeha Diyalayê ya Îraqê di operasyonekê de stargeh û şikeftên DAIŞê teqandin.
Li nêzîkî bajarokê Qeretepeyê ya Diyalayê ku 172 kîlometreyan li bakurrojhilatê Bexdayê ye, operasyonek hat kirin.
Hêzên Pêşmergeyan li dijî DAIŞê operasyonek encam da.
Li gorî daxuyaniya Wezareta Pêşmergeyan di operasyonê de stargeh û şikeftên ku DAIŞî tê de dimînin hatine teqandin.
Sala 2014an DAIŞê kontrola beşeke mezin a erdên Îraqê kontrol kir lê piştî şerên tund ên 3 salan, sala 2017an têk çû.
Endamên DAIŞê yên ku xwe li çolan di şikeftan de vedişêrin heta niha jî li herêmên nakok, bi taybetî li parêzgehên wekî Diyala, Kerkûk, Nînowa û Selahedînê dibin metirsî.
DAIŞiyên li herêmê carinan êrişî hêzên Pêşmergeyan û ewlehiya Îraqê dikin.
Meha Sibatê, yekîneyeke Pêşmergeyan li nêzîkî bajarokê Kifriyê yê parêzgeha Silêmaniyê êrişeke DAIŞê asteng kir.
Hewlêr û Bexda ji bo têkoşîna li dijî DAIŞê li herêma nakok bi hev re dixebitin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse