Hewlêr (Rûdaw) - Li parêzgehên Xarpet û Agiriyê yên Bakurê Kuristanê di 2 bûyerên trafîkê de 9 kes birîndar bûn.
Li gorî zanyariyan li ser rêya sereke ya Agirî û navçeya wê Xamûrê 2 otomobîl li hev qelibîn.
Di bûyerê de şofêrên her du otomobîlan û kesekî din birîndar bûn.
Li ser agahdarkirinê tîmên tenduristiyê çûn cihê bûyerê.
Tîman her sê kesên birîndar rakirin Nexweşxaneya Perwerde û Lêkolînan a Agiriyê.
Li aliyê din heman rojê de li ser rêya sereke ya Xarpet û navçeya wê Baskîlê jî otobuseke giştî ya nava bajêr û barhilgirek li hev qelibîn.
Di wê bûyerê de jî 6 kesên di otobusê de birîndar bûn.
Li ser agahdarkirinê tîmên tenduristiyê çûn cihê bûyerê û birîndar rakirin nexweşaneyên bajêr.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse