Hewlêr (Rûdaw) - Li parêzgeha Riha ya Bakurê Kurdistanê hemû çalakiyên wek meş, civîn û xwepêşandan 7 rojan hatin qedexekirin.
Parêzgariya Rihayê li ser biryara qedexekirinê daxuyaniyek belav kir.
Li gorî daxuyaniyê li parêzgehê ji bilî çalakiyên ji aliyê parêzgariyê û qeymeqamtiyê ve destûr ji bo wan tê dayîn hemû çalakî yên wekî civîn, meş, daxuyaniyên medyayê, grevên birçîbûnê, çalakiyên rûniştinê, mîtîng, vekirina standan, vedana konan, belavkirina belavokan, daliqandina pankartan û çalakiyên bi vî awayî yên li qadên vekirî bo dema heftiyekê hatine qedexekirin.
Li gorî parêzgariyê, qedexe 11ê Kanûna Pêşîn a 2024an demjimêr 16:00an dest pê kiriye û heta roja 18ê Kanûna Pêşîn demjimêr 23:59an berdewam dike.
Her wiha di çarçoveya qedexeyê de hatina welatî û otomobîlan a ji derve ya Riha û navçeyên wê jî hat qedexekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse