Hewlêr (Rûdaw) - Li parêzgeha Mûşê ya Bakurê Kurdistanê guran êrişî keriyek pez kir.
Gurên ku êrişî kerî kir 35 mih mirar kirin û 45 mih jî birîndar bûn.
Li gorî zanyariyan li gundê Ariyê yê ku 45 kîlometreyan dûrî navenda bajarê Mûşê ye, gur ketine nav keriyê welatiyê bi navê Mehmet Zakîr û êrişî wan mihan kir.
Xwediyê pez Mehmet Zakîr ragihand ku guran 35 mihên wî mirar kirine, 45 jî birîndar kirine û 30 mihên wî jî winda ne.
Zakîr da zanîn ku ajeldarî take deriyê dahatê yê wî û malbata wî ye û got ku ew neçar maye serê piraniya mihên xwe yên birîndar jî jê bike.
Piştî agahdarkirinê gundî jî çûne hawara wî û wan ji bo dîtina ajelên winda dest bi xebatan kir.
Ajeldarê ku 35 mihên wî mirar bûn Mehmet Zakîr got:
“Min demjimêr 15.00an nihêrî ku ajelên min ne di axurê de ne û derketine. Min piştre li derdorê nihêrî ku gur ketine nav wan û keriyê pez belav kiriye.
Şopên 3-4 heban ji wan diyar bûn. Piştre xelk hat vê derê. Ji 100-120 mihî 20-30 heb jî saxlem nemane.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse