Dadgehê cezayê zindanîkirinê da Hevserokê berê yê Şaredariya Wanê

Navenda Nûçeyan – Dadgehê ji bo Hevserokê berê yê Şaredariya Bajarê Mezin a Wanê Bekir Kaya 8 sal û 9 meh cezayê zindanîkirinê da.

 

Dadgeha 1emîn Cezayê Giran a Wanê derbarê 13 kesan de ku di nav wan de Hevserokê berê yê Şaredariya Bajarê Mezin a Wanê Bekir Kaya jî heye, bi hinceta "endamtiya rêxistina terorê" cezayê zindanîkirinê da.

 

Dadgehê ji Bekir Kaya, Cuneyt Caniş, Veli Avci, Nezahat Erguneş, Halis Çakir ve Metin Adugit re 8 sal û 9 meh, ji Mehmet Şirin Yildiz, Murat Durmaz, Îhsan Guler, Abdulkerim Sayan ve Mihriban Şah, Derviş Polat re 7 sal 6 meh û ji Hecer Sarihan re jî 6 sal û 3 meh ceza da.

 

Di sala 2012an de doza ku li Dadgeha 1emîn Cezayê Giran a Wanê bi navê "Doza Bingehîn a KCKê ya Wanê" dihat dîtin, ji Hevserokê berê yê Şaredariya Bajarê Mezin a Wanê Bekir Kaya, Cuneyt Caniş û Veli Avci re 15 sal, ji Nezahat Erguneş, Halis Çakir û Metin Adugit re 13 sal û 6 meh cezayê zindanîkirinê hatibû dayîn. Doz ji Dadgeha Bilind re hatibû şandin û ev biryarên ku hatibûn dayîn ji aliyê Dadgeha Biilind ve hatibûn hilweşandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger