Hewlêr (Rûdaw) – Serokê Herêma Kurdistanê Nêçîrvan Barzanî, ji bo gelê Mexribê (Fas) peyameke sersaxiyê belav kir.
Şevê din li Mexribê bi hêza 7 pileyan erdejek çêbû.
Li gorî agahiyên dawiyê heta niha herî kêm hezar û 37 kesan canê xwe ji dest daye.
Serokê Herêma Kurdistanê Nêçîrvan Barzanî, bi sedema vê erdhejê bi rêya hesabê xwe yê Xê peyameke sersaxiyê belav kir.
“Em hevparên xemên wan in”
Nêçîrvan Barzanî di peyama xwe de bal kişand ser xisara mezin a erdhejê û got:
“Ji ber bandora wêranker a erdhejê ez li ser navê gelê Herêma Kurdistana Îraqê ji gelê Mexribê re ji dil û can sersaxiyê dixwazim.
Em hevparên van xemên wan ên vê trajediya mezin in.
Rehmeta Xwedê li miriyan be û Xweda silametiyê bide birîndaran.”
Li aliyê din, Hikûmeta Mexribê ragihand ku hejmara birîndaran bi ser hezar û 200î ketiye.
باسم شعب اقليم كوردستان العراق اتقدم بخالص التعازي لشعب المملكة المغربية لسقوط ضحايا جراء الزلزال المدمر ونشاركهم احزانهم في هذا المصاب الجلل. داعيا المولى عز وجل أن يتغمد الضحايا بواسع رحمته وأن يمن على المصابين بالشفاء العاجل.
— Nechirvan Barzani (@IKRPresident) September 9, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse