Hewlêr (Rûdaw) - Şandeyê Wezareta Derve ya Amerîka Nicholas Granger serdana Encûmena Cibicîkar ya Rêveberiya Xweser kir. Di civînê de pêşhatên dawî li Sûriyê bi giştî û rojavayê Kurdistanê bi taybetî hat gotûbêjkirin.
Rêveberiya Xweser di derbarê serdana Nicholas Granger û şanda pê re daxuyaniyek belav kir.
Li gorî daxuyaniyê di civînê de astengiyên li pêşiya Rêveberiya Xweser di aliyê siyasî, abûrî û mirovî, rûbirûbûna terorê û dadgehkirina DAIŞiyên di zindanan de hatiye gotûbêjkirin.
Hevserokê Encûmena Cibicîkar ya Rêveberiya Xweser Ebdulhemid Mihbaş ragihand ku wan ji şanda Amerîkayê re behsa çend mijarên weke destpêşxeriya xwe ya bo çareserkirina kirîza Sûriyê, amadebûna Rêveberiya Xweser bo pêşwazîkirina penaberên Sûrî yên ku ji Libnanê têne vegerandin kirine.
Şandeyê Wezareta Derve ya Amerîka bo Bakur û Bakurê Rojhilatê Sûriyê Nicholas Granger ji aliyê xwe ve tekezî li ser helewsta xwe ya eşkere derbarê çareserkirina kirîza Sûriyê li gorî biryara 2254 kiriye. Herwiha Granger tekezî li ser piştevaniya xwe bo piştevaniya aramî û rûbirûbûna terorê kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse