Xelkê Serê Kaniyê dixwaze vegere warê xwe

Hewlêr (Rûdaw) - Koçberên Serê Kaniyê yên li Hesekê dixwazin vegerin war û milkên xwe.

Sibe (9ê Çiriya Pêşîn) salvegera 5emîn a destpêkirina êrişa Tirkiyeyê ya li ser bajarên Serê Kaniyê û Girê Spî yên Rojavayê Kurdistanê ye.

Sibe 5 sal di ser dagîrkirina Serê Kaniyê û Girê Spî ya ji aliyê Tirkiye û komên çekdar ve re derbas dibin.

Ji ber dagîrkirinê piraniya Kurdên wan herêman koçber bûne.

Koçberên Serê Kaniyê yên ku li kampên Waşo Kanî û Serê Kaniyê de hatine bicihkirin, meşek li dar xist û tê de dagirkeriya Tirkiyeyê şermezar kir.

Koçberan xwest ku vegerin war û milkên xwe.

Xwepêşanderan bangî civaka navneteweyî kir ku zextê li Tirkiyeyê bikin ji bo ku dawiyê li dagirkeriya xwe bîne û ew jî karibin vegerin warên xwe.

Piştî ku artêşa Tirkiyeyê bi hevkariya komên çekdar ên mixalefeta Sûriyeyê Çiriya Pêşîn a 2019an bajarên Serê Kanî û Girê Spî dagir kirin, bêhtirî 200 hezar Kurdî koçber bûn û ji wê demê ve di rewşeke gelekî dijwar de dijîn.

Koçberên li Serê Kaniyê li dijî dagirkeriya Tirkiyeyê rabûn ser pêyan

🎤 "Zextê li Tirkiyeyê bikin da ku dagirkeriya xwe biqedîne"

🛑 Pankarta "Serê Kaniyê buhişta min e " hat hildan

🛑 Piştî ku Tirkiyeyê Serê Kaniyê û girê Spî dagir kirin bi sed hezaran Kurd koçber bûne… pic.twitter.com/tS8BoKJGQs

— RudawKurdi (@RudawKurdi) October 7, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger