Li Dêrezorê 65 santralên avê zirar dîtine

Hewlêr (Rûdaw) - Li parêzgeha Dêrezorê ji ber kêmbûna ava Çemê Firatê 65 santralên avê zirar dîtine.

Li gor çavkaniyên Rêveberiya Xweser, li parêzgeha Dêrezorê ji ber kêmbûna ava Çemê Firatê 65 santralên avê zirar dîtine, lewra demjimêrên karên wan santralan bo paqijkirin û veguhestina avê ji welatiyan re zêde kêm bûne.

Ji aliyê xwe ve, cîgirê rêvebirê saziya avê li Dêrezorê Fewwaz Ewwad el-Uteyş ragihand, kêmbûna demjimêrên kar ên santralên avê li parêzgeha Dêrezorê ji encama kêmbûna asta ava çemê Firatê û qutbûna berdewam a elktrîkê ye.

Li gor heman çavkaniyê, ji Sibata 2020ê ve Tirkiye pişka Sûriye ji ava çemê Firatê kêm kiriye, lewra niha navçeyên derdora çem ji ber kêmbûna avê dinalin.

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger