Tirkiyê ji Cerablûsê 508 Sûriyeyî veguhestin Grê Spî ‎

Hewlêr (Rûdaw) - Veguhestina Sûriyeyiyan ji bajar û bajarokên din ên Sûriyê bo bajarê Grê Spî yê Rojavayê Kurdistanê ‎berdewam e ku niha di bin kontrola artêşa Tirkiyê û grûpên girêdayî wê de ye. Di vê çarçoveyê de 506 ‎Sûriyeyî ji Cerablûsê bo Girê Spî hatin veguhestin.‎

Piştî êrîşa Tirkiyê û grûpên çekdar ên girêdayî wê bo ser bajarên Rojavayê Kurdistanê di 9ê Cotmeha ‎borî de, zêdeyî 300 hezar kes ji herdu navçeyên Serê Kaniyê û Girê Spî koçber û derbider bûn, lê niha ‎Tirkiye li şûna wan malbatên din ji deverên wek Cerablûs û Ezaz û Efrînê tîne wan cihan.‎

Di vê çarçoveyê 506 kesên din bi 48 otomobîlan ji Cerablûsa Sûriyê bo Kaniya Xezalan a ser bi bajarê ‎Riha yê Bakurê Kurdistanê hatin veguhestin û ji wê derê jî di Deriyê Sînor ê Akçekaleyê re bo Girê Spî ‎hatin şandin. ‎

Herçiqas Tirkiye îdîa dike ku xelkê navçeyê ne, lê çavkaniyên xwecihî tekez dikin ku ew malbat an kes ‎ne xelkê deverê ne lê malbatên wan çekdaran e ku li wir dimînin. Heman çavkanî amaje bi wê yekê ‎didin ku armanca anîna van malbatan guhertina demografya Rojavayê Kurdistanê ye.‎

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger