Hewlêr (Rûdaw) – Ofîsa Serokwezîrê Îraqê mizginiya Cejna Cemayê da Kurdên Êzidî.
Li gorî Ofîsa Serokwezîrê Îraqê, bi boneya Cejna Cemayê, ji bo Kurdên Êzidî 8 roj betlaneya (pişû) fermî hat ragihandin.
Encûmena Wezîran a Îraqê di civîna xwe ya doh de biryar da ku ji bo Kurdên Êzidî li seranserê Îraqê 8 rojan betlaneya fermî were ragihandin.
Dê her sal betlaneya fermî be
Li gorî vê biryarê, dê her sal ji 6ê Çiriya Pêşîn heta 14ê Çiriya Pêşîn ji bo Kurdên Êzidî betlaneya fermî be.
Kurdên Êzidî her sal di navbera 6-13ê Çiriya Pêşîn de Cejna Cemayê pîroz dikin.
Îsal jî cejn li perestgeha pîroz a Êzdiyan, Perestgeha Laleşê tê pîrozkirin.
Pîrozbahiyên li Laleşê di nav gel de bi navê “ Cemaya Şêx Hadî” tên naskirin.
Cejna Cemayê ya îsal dê hefteyekê bidome û tê texmînkirin ku bi deh hezaran kes beşdarî çalakiyên wê cejnê bibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse