Rêveberiya Xweser yasaya herêmên îdarî pesend kir
Hewlêr (Rûdaw) - Rêveberiya Xweser a Rojavayê Kurdistanê, yasaya dabeşkirina rêveberiya herêmên xwe pesend kir.
Li gorî yasayê Rêveberiya Xweser ji 7 kantonan pêk tê.
Cizîr, Reqa, Ferat, Minbic, Efrîn û Şehba û Tebqa kantonên Rêveberiya Xweser a Rojavayê Kurdistanê ne.
Li gorî yasayê kanton ji bajar, bajarok, gund û yekeyên niştecîbûnê pêk tên.
Li Rojavayê Kurdistanê kantonên Cizîr, Ferat û Efrînê hene.
Hevserokatiya Encûmena Demokratîk a Gelan a Rêveberiya Xweser doh yasaya hejmara 6 a sala 2024an a dabeşkirina rêveberiyê pesend kiribû.
Hevserokê Komîsyona Bilind a Hilbijartinan a Rêveberiya Xweser Hisên El-Şêx li ser yasaya dabeşkirina rêveberiyê got:
“Yasaya dabeşkirinên rêveberiyan li Bakur û Rojhilatê Sûriyeyê hat pesendkirin.
Ev yasa ji 3 beşan û 5 madeyan pêk tê.”
Kobanî navenda kantona Feratê ye.
Kantona Cizîrê ji 2 bajarên mezin ên wekî Hesekê û Qamişloyê û çend bajar û bajarokan pêk tê.
Kantona Feratê ji bajarê Kobaniyê pêk tê.
Kantona Efrîn û Şehbayê ji bajarê Efrînê pêk tê.
Hisên El-Şêx herwiha behsa yasayê jî kir û got:
“Ev yasa yek ji yasayên herî girîng e. Ji bo Komîsyona Bilind a Hilbijartinan jî girîng e.
Ji ber Komîsyona Bilind a Hilbijartinan a Bakur û Rojhilatê Sûriyeyê di dabeşkirina komîsyon, sindoq û komîteyên komîsyonê de xwe dispêre vê yasayê.”
Yasaya dabeşkirina rêveberiyan ji 30ê Nîsana 2024an ve ketiye meriyetê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse