Festîvala Fîlmên Penaber a Îzmirê birêve diçe
Îzmîr (Rûdaw) - Duyemîn Festîvala Navdewletî a Fîlmên Penaber a Îzmirê di 12ê Nîsanê de li wî bajrî, li Navenda Çandê ya Fransî bi merasîma vekirinê dest pê kir û dê 50 filmên derbarê penaberan de bên nîşandan.
Duyemîn Festîvala Navdewletî a Fîlmên Penaber, di 12ê Nîsanê da li bajarê Îzmirê dest pê kir û dê heta 16ê Nîsanê berdewam bike. Festîvala ku sala par ji ber pandemiyê bi awayekê online hatibû kirin îsal li salona sînemayê tê kirin. Festîval ji aliyê Komeleya Pireya Gelan a Îzmirê ú bi piştgiriya Navenda Çandê a Fransî ve tê organîzekirin.
Festîval ji aliyê Komeleya Pireya Gelan ve tê sazkirin û dê 50 filmên derbarê penaberan de bên nîşandan. Her wiha çend fîlmên li ser Kurdên Êzidî û penaberên Rojavayî jî cih digrin. Duh li ser Kurdên Êzidî panelek birêve çû û jinek Êzidî ku li Ciyayê Şingalê ji destê DAIŞê rizgar bûye, behsa çîroka xwe ya trajîk kir. Jinên Êzidî ji dewlet û civaka Tirkiyê daxwaz kirin ku ew jenosîda Êzidîyan qebûl bikin.
Di çarçoveya Festîvale da 36 kurtefilm, 14 belgefîlm, filmên metrajdirej û animsayon bi giştî wê 50 film bêne nişandan. Her wiha wê gotûbêjên derhênerên penaber jî hebin.
Temaşevan Bilal Olgun dibêje: “Tiştên tên serê penaberan bi rastî pir zor e. Temasekirina van fîlman jî pir zor in. Jixwe em merivên hesas rewâa penaberan baş dizanin."
Beşekî fîlm û gotûbêjên festîvalê li ser jenosîd û karesata Kurden Ezidiyan e. Bi besdariya nivîskarê Tirk Zülfü Livaneli û jinek Êzidî ku li Ciyaye Şingalê ji destê rexistina DAIŞê rizgar bûye, bi navê 'çîrokên berxwedana ezidiyan' panelek jî hat kirin. Jinên Êzidî ji dewlet û civaka Tirkiyê daxwaz kirin ku ew di qada navdewletî de jenosida Ezidiyan qebûl bikin.
Jina Êzidî ya rizgarbûyî Emîne Qasim Xelef got: “Beriya ku Daîş bê Şingalê em li gel malbata xwe bi awayekê bextewar dijiyan. Lê piştî DAIŞ hat hemû xewn û xeyalên me têk çûn.”
Nivîskar û muzîsyen Zulfu Livanelî jî got: “Eer em bi nêrîna hemû rûyê erdê welatê min û mirovahî jî miletê min e binêrin wê cudahî û pirsgirêkên heyî jî safî bibin.”
Li gorî amarên fermî piranî penaberên Sûrî û Rojavayî bi giştî li İzmirê derdora 200 hezar penaber hene. Armanca festîvalê ev e ku balê bikşîne ser rewşa penaberan û ji bo pirsgirêk û daxwazên wan bibe platformeke dîtbarî.
Siyasetmedar û Mafnas Akin Birdal jî dibêje: “Bi rastî ev Festîval li ser pirsgirêkeke girîng radiweste. Ew jî mijara penaberan e. Em mafnas baş dizanin ku mafên gelan û penaberan hene ji bo li welatek bi azad bijîn.”
Di festivalê de li gel zimanên din 4 fîlmên ku zimanê wan bi Kurdî ye û behsa Kurdên Êzidî û penaberên Rojavayê Kurdistanê dikin jî dê bê pêşandan. Festîvala wê heta 16ê Nîsanê ber dewam bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse