Rûken Yilmazê ‘Serxwebûna Mirîşkan’ wekî klîp belav kir

Hewlêr (Rûdaw) - Hunermenda şox û şeng Rûken Yilmazê helbesta Seydayê Cegerxwîn a bi navê “Serxwebûna Mirîşkan” wekî stran got û klîpeke taybet jî jê re amade kir.

Rûken Yilmazê bi deng û şêwaza xwe ya taybet bi kostum û ekîbeke baş heqê wê helbestê daye.

Awaza helbesta Cegerxwîn ji aliyê Nurhak Kilagoz ve hatiye danîn û bûye wekî muzîkalekê.

Berk Kuruçay jî derhêneriya stran û klîpê kiriye.

Stran behsa azadî, berxwedan û xwezayê dike û bi melodiya xwe ya bihêz û gotinên tije peyam, guhdaran derdixe rêwîtiyeke hestyar.

Di vê strana Rûkenê de mirov reng û ahengên kevin û modern bi hev re dibîne û dengê wê, tameke cuda dide guhdaran.

 

🎼 Hunermenda Kurd Rûken Yilmazê helbesta Cegerxwîn a bi navê “Serxwebûna Mirîşkan” wekî stran got û klîpeke taybet jî jê re amade kir

🎼 Stran behsa azadî, berxwedan û xwezayê dike pic.twitter.com/u73wrL7u9b

— RudawKurdi (@RudawKurdi) April 12, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger