Hewlêr (Rûdaw) – Li bajarê Seqizê yê Rojhilatê Kurdistanê, Festîvala 2yemîn a Şanoyê ya Ziwiyeyê dest pê kir.
Lîstika yekem bi awayekî remzî li Keleha Ziwiyeyê ya Seqizê hat lîstîn.
Festîvala Şanoyê ya Ziwiyeyê festîvaleke çandî ye. Festîval ev 5 sal in li bajarê Seqizê û 2 sal in li parêzgeha Sineyê tê lidarxistin.
"15 lîstîk hatin hilbijartin"
Birêvebirê festîvalê Emîr Zarzade li ser naveroka festîvalê wiha got:
“Piştî ku me banga lidarxistina festîvalê kir hunermendan 83 berhem şandin festîvalê.
Tevî lîstikên hunermendên Herêma Kurdistanê 15 lîstîk hatin hilbijartin û dê ew di festîvalê de bên nîşandan.”
Li gorî gotina Emîr Zarzade, kultur û nerît, xelkê herêmên cuda yên welat, pirsgirêkên civakî mijarên lîstikên şanoyê ne.
Festîval dê heta 7ê Îlonê berdewam bike.
Çavkanî: Jîla Esed
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse