Hewlêr (Rûdaw) - Îro 20 sal di ser koça dawî ya Ahmet Kaye re derbas dibin. Di rojeke weke îro de hunermendê Kurd, Ahmet Kaya di temenê 43 saliyê de bi kirîza dil li Parîsê koça dawî kir.
Di sala 1999 de, dema ku ji aliyê Komeleya Rojnamevanên Magazinê ve hat xelatkirin, wî bo yekem car Kurdbûna xwe aşkere kir û got, ew dê klîpekê bi zimanê Kurdî çê bike.
Ji ber gotina ku ew Kurd e û dê klîpekê bi zimanê Kurdî amade bike, Kaya di salonê de rastî êrişa nijadperestên tirk hat û piştî çend rojan doz li dijî wî hat vekirin û bi 12 salan cezayê zindanê hate mehkûmkirin.
Kaya neçar ma ku koçberî derveyî Tirkiyê bibe û berê xwe da Ewropayê û li Parîsê bi cih bû. Piştî demeke kurt û di sala 2012an de, Ahmet Kaya li Parîsê koça dawî kir û li goristana navdar a vî bajarî Per la Şêz hate veşartin.
Ahmet Kaya
28ê Cotmeha 1957an li Meletiyê ji dayîk bûye
Sala 1984an yekem albûma xwe belav kir
1988ê bi nav û deng bû
21 albûmên wî hene
1999ê ragihand ku ew dê klîpekê bi zimanê Kurdî çêbike
Li ser vê yekê bi 12 sal cezayê zindanê hat mehkûmkirin
1999ê li Parîsê bicîh bû
Sala 2000 bi kirîza dil li Parîsê koça dawî kir
Termê wî li goristana Pêrlaşêz nêzîkî gora Yilmaz Guney hat veşartin
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse