Dengbêj Kazo bi koronayê ketibû
Hewlêr (Rûdaw) - Dengbêjê Kurd ê navdar Kazo ku bi vîrusa koronayê ketibû, ragihand ku rewşa wî baş e.
Roja 13ê meha Nîsanê hatiye belavkirin ku hunermendê Kurd ê navdar Kazo bi vîrusa koronaya nû COVID-19 ketiye.
Ew hunermendê Kurd piştî wergirtina çareseriya pizîşkî li nexweşxaneyeke taybet a Stenbolê, li mala wî tedawîkirina wî berdewam kir.
Piştî maweyê 14 roj kerentînkirinê, hunermend Kazo careke din bo pişkinîna kornayê çû nexweşxaneyê û cara duyem jî testa wî ya koornayê pozîtîv derket.
Dengbêj Kazo bi rêya girte videoyekê ji malpera Independent Tirkî re ragihand ku rewşa tendirustiya wî baş e û saya eleqeya hezkiriyên xwe li ser piya maye.
Hunermendê kurd amaje bi wê jî dike, li nexweşxaneyan gelek kes berxwedana jiyanê didin û got ku bi moral însan dikare bi ser wê nexweşiyê de zal bibe û ew bi saya piştevaniya xelkê baştir bûye.
Hunermend Kazo spasiyên pêşkêşî hunermend, siyasetmedar û her kesî kir ku di vê qonaxê de piştevaniya wî kirine.
Rezan Şîrvan, keça hunermend Kazo aşkere kir ku testa duyem ya bavê pozîtîv derketiye û diyar kir, “Li gel dayika min ji bo maweyê 14 rojên din dê li malê kerentînkirî bin.”
Rezan Şîrvan got ku dayik û bavê wê di odeyên cuda de li malê di bin kerentînê de ne û ragihand ku rewşa wan baş e û hefteyek maye ji bo temambûna kerentînê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse