Hewlêr (Rûdaw) - Saziya Amaran a Tirkiyê (TUIK), ragihand di 3 mehên destpêkê yên sala 2023ê de aboriya Tirkiyê %4 mezin bûye.
Saziya Amaran a Tirkiyê (TUIK), îro 31ê Gulana 2023ê, amarên 3 mehên destpêkê yên sala 2023ê yên aboriya Tirkiyê eşkere kirin.
Li gor amarên TUIKê aboriya Tirkiyê di 3 mehên destpêkê yên sala 2023ê de li gor heman mehên sala 2022ê %4 mezin bûye.
Nirxê berhemên ku di nav 3 mehên destpêkê yên sala 2023ê de li nav Tirkiyê hatin berhemanîn gihişte 245 milyar û 464 milyon dolar.
Li Tirkiyê di nav 3 mehan de sektorên xizmetguzarî, fînans û banka, ragihandin, avahîsazî, rêvebirina hikumî, perwerde, çalakiyên xizmetên civakî û tendirustiya mirov û milk mezin bûn û sektorên çandinî û pîşesaziyê jî biçûk bûn.
Li gor amarên fermî aboriya Tirkiyê 33 mehên li ser hev mezin dibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse