Hewlêr (Rûdaw) - Li parêzgeha Mûşê ya Bakurê Kurdistanê ji ber barana ku îsal barî cotkar hêvîdar in û li bendê ne rekolteya berên reşandine berhemên wan li gorî salên borî zêdetir be.
Rêveberê Çandinî û Daristanê yê Mûşê Mehmet Gun li nav zeviyên çandiniyê geriya û daxuyanî da.
Mehmet Gun bi bîr xist ku Deşta Mûşê di qada çandiniyê de him ji bo herêmê û him jî ji bo Tirkiyê yek ji qadên çandiniyê yên girîng e.
Di berdewamiya axaftina xwe de Gun got ku bihara îsal baran xweş barî û wiha domand: "Em li bendê ne ku berhema genim û ce îsal zêdetir bi ber bereket be."
Ji cotkaran Ahmet Demir jî diyar kir ku wî par 20 donim zevî kir genim û îsal jî li 40 donimî genim, ce û pincar çandiye û wiha domand: "Ez îsal li bendê me ku dahat ji sedî sed zêde be. Bi saya piştgiriya dewlet dide wê dahata cotkarên me îsal wê zêdetir be."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse