رووداو دیجیتاڵ
بەر لە یارییەکەیان بەرامبەر یانەی بورسا سپۆر لە رکابەرییەکانی خولی پلە دووی تورکیادا، یاریزانانی یانەی ئامەد سپۆر لەلایەن هاندەرانی بورساوە رەگەزپەرستیان لە بەرامبەر بەکاردەهێنرێت.
شەوی شەممە لە شوێنی مانەوەی لە بورسا، هاندەرانی یانەی بورسا سپۆر چوونەتە بەردەم هۆتێلی یانەی ئامەد سپۆر و وشەی رەگەزپەرستیان لە دژی یاریزانانی یانەکە گوتووەتەوە، بۆ ئەوەی دەروونی یاریزانەکان تێکبدەن و بۆ یارییەکە بە ئاستی راستەقینەی خۆیان دەرنەکەون.
بەپێی ئەو ڤیدیۆیانەی لە تۆڕە کۆمەڵایەتییەکاندا بڵاوکراونەتەوە، هاندەرانی یانەی بورسا لەبەردەم هۆتێلی ئامەد سپۆر کۆبوونەتەوە و هاوار دەکەن " چەند بەختەوەرە ئەو کەسەی دەڵێت من تورکم."
ئامەد سپۆر لەبارەی ئەم رووداوانەوە هیچ لێدوانێکی نەداوە، بەڵام بڵاوبوونەوەی ئەو دیمەنانە هاندەرانی یانەکەی نیگەرانکردووە.
ئەمڕۆ یەکشەممە لە رکابەرییەکانی گەڕی 23ـی خولی تورکیا، یانەی ئامەد سپۆری پێشەنگی ریزبەندی خولەکە دەبێتە میوانی بورسا سپۆر.
لە یاری نێوان ئامەدسپۆر و بورسا سپۆر لە ساڵی 2016دا لایەنگرانی یانەی بورساسپۆر دوای یارییەکە هێرشیان کردە سەر یاریزانانی یانەی ئامەد سپۆر ئەمەش بووەتە هۆکاری ئەوەی کە هەمیشە یارییەکانیان رکابەرییەکی زۆری تێدا بێت و بەردەوام هاندەرانی هەردوولا لە دژی یەکدی بوەستنەوە.
Dün gece saat 02.45.
— AMED SK (@AmedsporSK) March 5, 2023
Amesdspor’umuzun kaldığı otelin önü.
‘Irkçı’ söylemler ile bağıranlar ise Bursaspor taraftarları.
Sonuç itibariyle deprem bölgesinde gelen takım 90 dakikalık bir maç öncesi böylesi bir zamanda olmaması gereken davranışlar.@TFF_Org bunu da görür herhalde! pic.twitter.com/vX2KsZJ7Wt
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ