هاوکاری بۆ خێزانێکی کەمدەرامەت

بەرنامەی پاشیڤ، لە شەوی 25ی مانگی رەمەزانی پیرۆزدا، بە ئامادەبوونی کۆمەڵێک گەنج و بینەری خۆشەویست بەڕێوەچوو. سەرەتای بەرنامەکە بە دەربڕینی سوپاس و پێزانین بۆ هەموو ئەو کەسانە دەستی پێکرد کە بە شێوەیەک لە شێوەکان هاوکاری و بەشدارییان لە بەرنامەکەدا کردبوو، لەوانە ستافی کامێرامانان و دەرهێنەری لێهاتوو، سامان عەدنان. بێستوون عوسمان ئاماژەی بەوەدا کە لەم ئەڵقەیەدا چەندین تەوەر و بابەتی جۆراوجۆر دەخرێنەڕوو، لەوانە راگەیاندنی ناوی براوەی پێشبڕکێی شەوی رابردوو، هەروەها ئامادەکاری بۆ سەردانێکی مەیدانی بۆ ماڵی کاک سەرکار لە گەڕەکی قەتەوی.

میوانی سەرەکی بەرنامەکە، بەڕێز یونس شێخ تالیب، سەرۆکی ئەنجوومەنی کارگێڕی گرووپی کۆمپانیاکانی شاندز بوو. گفتوگۆیەکی بەرفراوان دەربارەی سەرەتای ژیانی بەڕێز یونس لە ناو خێزانێکی خاوەنکار و زەحمەتکێشدا ئەنجامدرا، هەروەها چۆن توانیویانە ئەو کار و بزنسەی کە لە باو و باپیرانیانەوە بۆیان مابووەوە، گەشە پێبدەن و فراوانتری بکەن. هاوکات، گفتوگۆ لەسەر چالاکییە سەرەکییەکانی کۆمپانیای شاندز لە کەرتی کارەبا و ئەو دەرفەتە زۆرانەی کە بۆ گەنجانیان رەخساندووە، ئەنجامدرا. لە بەشێکی دیکەی بەرنامەکەدا، ئاماژە بە سەردانی شەوی پێشوو بۆ ماڵی بەڕێز دلۆڤان لە گەڕەکی 94 درا.

لە بەشێکی سەرنجڕاکێشی بەرنامەکەدا، چەند پرسیارێک ئاڕاستەی گەنجانی بەشداربوو کرا دەربارەی زانستی ئابووری و بیروڕاکانی ئابووریناسی مەزن ئادەم سمیت و کتێبە بەناوبانگەکەی "سامانی نەتەوەکان". مەتێش باسی چۆنیەتی ئامادەکردنی خواردنە بەتامی بریانی و فاسۆلیای کرد، کە تام و چێژێکی تایبەتیان بە بەرنامەکە بەخشیبوو.

بەرنامەکە تیشکی خستە سەر راپۆرتێکی ڤەژین موراد، پەیامنێری رووداو لە هەولێر، دەربارەی دۆخی نالەباری خێزانێکی هەژار و کەمدەرامەت لە ناوچەی بەحرکە، هەروەها بەڵێن و ئامادەیی بەڕێز کامەران بۆ دابینکردنی دەرفەتی کار و کەمکردنەوەی بارگرانی سەر شانی ئەو خێزانە. لە کۆتایی بەرنامەکەدا، دڵخۆش نەبەز عوسمان وەکو براوەی پێشبڕکێی ئەمشەو راگەیێندرا.

لە کۆتایی بەرنامەکەدا، مەلا تائیف بە دەنگە خۆشەکەی بەشێک لە هونەر و بەرهەمەکانی پێشکێش کرد.