رووداو دیجیتاڵ
مەسرور بارزانی پیرۆزبایی جەژنی رەمەزان لە موسڵمانانی کوردستان، عێراق و جیهان دەکات و هیوا دەخوازێت، "بنەماکانی تەبایی و بەیەکەوەژیانی ئاشتییانە و برایەتی لەنێوان پێکهاتەکانی گەلەکەمان و گەلانی جیهاندا بەهێزتر ببێت."
ئێوارەی ئەمڕۆ شەممە، 29ـی ئاداری 2025، مەسرور بارزانی، سەرۆکوەزیرانی هەرێمی کوردستان لە پەیامێکی پیرۆزباییدا رایگەیاند: "بە بۆنەی هاتنی جەژنی پیرۆزی ڕەمەزان، گەرمترین پیرۆزبایی لە گشت موسڵمانانی کوردستان و عێراق و جیهان دەکەم، بە تایبەتی پیرۆزبایی لە پێشمەرگە قارەمانەکان و هێزەکانی ئاسایشی ناوخۆ و کەسوکاری سەربەرزی شەهیدان و ئەنفالکراوان دەکەم. ئومێدەوارم پشووی جەژن، لە خۆشی و شادی و ئارامیدا بەسەر ببەن."
مەسرور بارزانی دەشڵێت: "لە خوای مەزن نزاکارین کە ڕۆژوو و خواپەرستیی هەمووان قبووڵ بکات و هیوادارین بنەماکانی تەبایی و بەیەکەوەژیانی ئاشتییانە و برایەتی لەنێوان پێکهاتەکانی گەلەکەمان و گەلانی جیهاندا بەهێزتر ببێت و زیاتر گەشە بکات."
ئێوارەی ئەمڕۆ شەممە، وەزارەتی ئەوقاف و کاروباری ئایینی هەرێمی کوردستان رایگەیاند: "سبەی (یەکشەممە، 30-3-2025) یەکەم رۆژی جەژنی رەمەزانە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ