پێشوازیی قاسم ئەعرەجی لە نێچیرڤان بارزانی
رووداو دیجیتاڵ
لە درێژەی کۆبوونەوەکانیدا لە دووەم رۆژی سەردانەکەی بۆ بەغدا، نێچیرڤان بارزانی لەگەڵ قاسم ئەعرەجی، راوێژکاری ئاسایشی نیشتمانیی عێراق کۆبووەوە. ئەعرەجی سوپاسی رۆڵی سەرۆکی هەرێمی کوردستانی کردووە بۆ چارەسەری کێشەکان.
سەرۆکایەتیی هەرێمی کوردستان دەڵێت، لە کۆبوونەوەکەدا دۆخى ئه‌منيى عێراق و مه‌ترسى و هه‌ڕه‌شه‌كانى تيرۆر و ئه‌و ئاڵنگارييانه‌ى له ئه‌نجامى لێكه‌وته‌كانى شه‌ڕ و ئاڵۆزييه‌كانى ناوچه‌كه رووبه‌ڕووى عێراق ده‌بنه‌وه، تاوتوێ كران.
هه‌ردوولا جه‌ختيان له گرنگيى هاريكارى و هاوئاهەنگیی نێوان لايه‌نه په‌يوه‌نديداره‌كانى حكومه‌تى عێراقى فيدراڵ و حكومه‌تى هه‌رێمى كوردستان له بوارى ئه‌منيدا و بۆ به‌ره‌نگاربوونه‌وه‌ى مه‌ترسييه ئه‌منييه‌كان كرده‌وه. هاوڕاش بوون له‌سه‌ر پێويستيى هاريكاريى هه‌موو لايه‌نه‌كان بۆ پاراستنى ئارامى و سه‌قامگيريى وڵات.
بۆ چارەسەرکردنی کێشەی مووچە؛ بودجە و چەند پرسێکی دیکە، سەرۆکی هەرێمی کوردستان دوو رۆژە لە بەغدایە و لەگەڵ بەرپرسە باڵاکانی حکومەت و حیزبەکاندا ژمارەیەک کۆبوونەوەی کردووە.
سه‌رۆكى هه‌رێمى كوردستان، سوپاس و پێزانينى بۆ ئه‌رك و رۆڵى راوێژكارى ئاسايشى نه‌ته‌وه‌يى و تيمه‌كه‌ى و هاوئاهەنگییان له‌گه‌ڵ لايه‌نه په‌يوه‌نديداره‌كان له عێراق و هه‌رێمى كوردستان و ئه‌و خزمه‌ته‌ى له بوارى ئه‌منى و پاراستنى سه‌قامگيريدا ئەنجامی دەدەن، ده‌ربڕى.
بە وێنە: پێشوازییە جیاوازەکەی قاسم ئەعرەجی، راوێژکاری ئاسایشی نیشتمانیی عێراق لە نێچیرڤان بارزانی، سەرۆکی هەرێمی کوردستان.
— Rudaw (@Rudawkurdish) April 28, 2024
قاسم ئەعرەجی ستایشی رۆڵی نیشتمانییانەی نێچیرڤان بارزانی کردووە بۆ لێكنزيككردنه‌وه‌ى لايه‌نه‌كان و هه‌وڵه‌كانى بۆ چاره‌سه‌ركردنى كێشه‌كان pic.twitter.com/CfNaSFYxPo
وەکو لە راگەیێندراوی سەرۆکایەتیی هەرێمی کوردستاندا هاتووە، قاسم ئەعرەجی دووپاتى كرده‌وه كه ئارامى و ئاسايش و سه‌قامگيريى هه‌رێمى كوردستان و ته‌واوى ناوچه‌كانى عێراق پێكه‌وه گرێدراوه.
هەروەها "ستايشى رۆڵى نيشتمانيیانه‌ى سه‌رۆك نێچيرڤان بارزانى كرد له لێكنزيككردنه‌وه‌ى لايه‌نه‌كان و هه‌وڵه‌كانى بۆ چاره‌سه‌ركردنى كێشه‌كان."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ