رووداو دیجیتاڵ
لە پارێزگای مەلەتیی باکووری کوردستان رووداوێکی هاتووچۆ روویدا، بەهۆیەوە سێ کەس گیانیان لەدەستدا و چواری دیکە بریندار بوون.
رووداوەکە دوای بانگی ئێوارەی رۆژی شەممە (26-10-2024) لە شارۆچکەی چەرمیک روویدا، کە تێیدا دوو ئۆتۆمبێل رووبەڕوو خۆیان بەیەکدا کێشابوو.
لە رووداوەکەدا شۆفێرانی هەردوو ئۆتۆمبێلەکە بە ناوەکانی ئایدن کایا و ئەحمەد تان لەگەڵ موخڵیس تونجەل لە شوێنی رووداوەکە گیانیان لەدەستدا. هەروەها چوار سەرنشینیش بریندار بوون.
تیمی فریاکەوتن گەیشتە شوێنی رووداوەکە و بریندارەکانیان بەپەلە گواستەوە بۆ نەخۆشخانە و تەرمەکانیش رەوانەی دادپزیشکی کران.
بەگوێرەی ئاماری بەڕێوەبەرایەتیی گشتیی هاتووچۆی تورکیا، لە 6 مانگی یەکەمی ئەم ساڵدا 344 هەزار و 906 رووداوی هاتووچۆ لە باکووری کوردستان و تورکیا روویانداوە، کە تێیاندا هەزار و 533 کەس گیانیان لەدەستداوە و 215 هەزار و 646 کەسی دیکەش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ