هاتووچۆی هەولێر: لە پێنجشەممەوە هیچ مامەڵەیەک رایی ناکەین

 

ئەمڕۆ (یەکشەممە، 17-12-2023) بەڕێوەبەرایەتی هاتووچۆی هەولێر لە راگەیێندراوێکدا رایگەیاند، بەهۆی كۆتاییهاتنی ساڵی ژمێریاری، لە رۆژی پێنجشەممە رێککەوتی 21-12-2023ـەوە لە کاژێر 01:00ـی نیوەڕۆوە راییكردنی مامەڵە لە گشت بەش و هۆبەکانیان رادەگیرێت.

 

هاتووچۆی هەولێر داوا دەکات لەو ماوەیەدا سەردانیان نەکەن، مامەڵەکانی نوێکردنەوەی ساڵیانە؛ مۆڵەتی شۆفێری و تۆمارکردنی ئۆتۆمبێل رادەگیرێن. لە راگەیێندراوەکەدا هاتووە، لەو ماوەیەدا هەر ساڵیانە؛ مۆڵەت و کاتی تۆمارکردنی ئۆتۆمبێلێک بەسەربچێت، قەرەبوو دەکرێنەوە و کەس سزای پێبژاردن نادرێت.

 

بەگوێرەی هاتووچۆی هەولێر، لە 2-01-2024 کارکردنی بەڕێوەبەرایەتییەکە ئاسایی دەبێتەوە و مامەڵەی هاووڵاتییان رایی دەکەن.