رووداو دیجتاڵ
بەرێوەبەری کەشناسیی سلێمانی دەڵێت، کاژێر 5:18 خولەکی ئێوارەی ئەمڕۆ، بوومەلەرزەیەک بە گوڕی 4.5 پلەی رێختەر لە سنووری نێوان رۆژهەڵاتی کوردستان و باشووری کوردستان روویدا.
رۆژی شەممە، 13-05-2023 ئاسۆ کەمال، بەڕێوەبەری کەشناسیی سلێمانی بە تۆڕی میدیایی رووداوی گوت، "بوومەلەرزەکە 4.5 پلەی رێکختەر بووە لە سنووری نێوان ئێران و عێراق؛ چەقی بوومەلەرزەکە نزیکەی حەوت کیلۆمەتر لە قەسری شیرین و 21 کیلۆمەتر لە خانەقینەوە دوور بووە. دوای ئەو بوومەلەرزەیەش بوومەلەرزەی دیکە روویداوە، بەڵام بە پلەی کەمتر."
محەممەد کەمال، شارەزای کەشناسی و بوومەلەرزەزانی لەو بارەوە بە رووداوی گوت، بەشێکی زۆری دانیشتووانی قەزای کەلار هەستیان بە بوومەلەرزەکە کردووە، بەڵام لە قەزای خانەقین زیاتر هەستی پێکراوە، بەهۆی ئەوەی چەقەکەی لەوێ نزیک بووە.
شارەزاکەی کەشناسی و بوومەلەرزەزانی دەشڵێت، ئەمساڵ سێ بۆ چوار بوومەلەرزەی لەو جۆرە لەو سنوورە روویانداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ