رووداو دیجیتاڵ
بەڕێوەبەرایەتی نەهێشتنی مادە هۆشبەرەکانی رایگەیاند، بازرگانێکی بیانی مادەی هۆشبەریان لەنێو شاری هەولێر دەستگیر کردووە و 11 کیلۆگرام مادەی هۆشبەر لەجۆری (کۆکایین) دەستی بەسەرداگیراوە.
ئەمڕۆ یەکشەممە، 10ـی تشرینی دووەم، بەڕێوەبەرایەتی نەهێشتنی مادە هۆشبەرەکان لە راگەیێندراوێکدا بڵاویکردەوە، "دوای وەرگرتنی بڕیاری دادوەری لێکۆڵینەوەی ئاسایش و کۆکردنەوەی زانیاریی دروست، لە ئەنجامی پڕۆسەیەکی بەدواداچوونی چەند هەفتەیی، لە چالاکییەکدا تیمی بەدواداچوونی بەڕێوەبەرایەتییەکەمان، لە 8-11-2024 لەناو شاری هەولێر توانیان بڕی 11 کیلۆگرام مادەی هۆشبەر لەجۆری (کۆکایین) دەست بەسەردا بگرن"
هەر لە راگەیێندراوەکدا هاتووە: "ئەم مادەی هۆشبەرە لە وڵاتی غینیاوە بۆ هەرێمی کوردستان هێنرابوو، لەم چالاکییەدا بازرگانێکی بیانی دەستگیرا کرا کە چەند ساڵە لەم جۆرە بازرگانییەوە گلاوە."
تۆمەتبار پەڕاوی لێکۆڵینەوەی بۆکراوەتەوە و بەپێی یاسای بەرەنگاربونەوەی مادە هۆشبەرەکان و کارتێکەرە عەقڵییەکان مامەڵەی لەگەڵدا دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ