بەرپرسێکی کرماشان: هەناردەمان لە دەروازەی پەروێزخانەوە 262٪ زیادیکردووە

09-03-2024
بژار زوبێر @BBashqaly
A+ A-
رووداو دیجیتاڵ 

عەبدولواحید محەممەدی، جێگری رێکخەری کاروباری ئابووریی پارێزگای کرماشانی رۆژهەڵاتی کوردستان، رۆژی شەممە، رایگەیاند، قەبارەی هەناردەیان لە دەروازەی پەروێزخانەوە لە 11 مانگی رابردوودا 262٪ زیادیکردووە. 
 
دەروازەی پەروێزخان کرماشان و ئیدارەی سەربەخۆی گەرمیانی پارێزگای سلێمانی پێکەوە دەبەستێتەوە. 
 
بە گوێرەی میدیای ئێرانی، ئەو کاڵایانەی لە یازدە مانگی رابردوودا لە کرماشانەوە هەناردەی هەرێمی کوردستان و عێراق کراون، لە رووی بەهاوە، 19٪ زیادیانکردووە. 
 
محەممەدی رایگەیاند: "دەروازەی سنووریی پەروێزخان وەک نێوەندێکی گواستنەوەی ئێران، لە گەشەدایە، بە جۆرێک کە هەناردەی دەرەوە لەو دەروازەیەوە 262٪ زیادیکردوو و گەیشتە 3 ملیۆن و 492 هەزار تۆن لە ساڵی ئێستای ئێرانیدا (ساڵی هەتاوی)، بەوەش بووە دووەم گرنگترین دەروازەی ئێران."
 
رۆژانە، تێکڕا 650 بارهەڵگر بە پەروێزخاندا دەربازدەبن. هەندێ رۆژیش ژمارەیان لە نێوان 900 بۆ هەزار دایە. 
 
هەرێمی کوردستان و عێراق داوایان کردووە ژمارەیان بۆ هەزار و 500 بارهەڵگر زیادبکرێت، کە بەجێهێنانی ئەوە، لە چاوەڕوانیی نۆژەنکردنەوەی ژێرخان و رێگەکانی دەروازەکەدایە. 
 

 

 

 
 
 
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

دیمەنێکی لووتکەچیای هەڵگورد لە 30-12-2022ـی. چیای هەڵگورد بەشێکە لە زنجیرە چیاکانی زاگرۆس، وێنە: مەهدی فەرەج - رووداو

زانکۆی کوردستان: چیاکانی زاگرۆس کاریگەریی گۆڕانی کەشوهەوایان لەسەرە

جێگری سەرۆکی زانکۆی کوردستان-هەولێر دەڵێت، تاوەکو ئێستا هیچ توێژینەوەیەکی رەسەن لەسەر چیاکانی زاگرۆس نەکراوە، گوتیشی، ''لە کۆپ29 داوامان لە چەند زانکۆی نێودەوڵەتی کردووە، سەردانی کوردستان بکەن، بۆ ئەوەی توێژینەوە لەسەر چیاکانی زاگرۆس بکەن.''