رووداو دیجیتاڵ
لە هەولێر شەش نەوجەوان لە زیندانی چاکسازیی ژنان و منداڵان هەوڵی هەڵاتن دەدەن؛ بەڕێوەبەری راگەیاندنی وەزارەتی کار و کاروباری کۆمەڵایەتی دەڵێت، پێنجیان دەستگیر کراونەتەوە، تەنیا یەکێکیان دەستگیر نەکراوەتەوە، ئەویش خەڵکی سووریایە.
رۆژی دووشەممە 6ی ئاداری 2023 ئاریان ئەحمەد، بەڕێوەبەری راگەیاندنی وەزارەتی کار و کاروباری کۆمەڵایەتی بە تۆڕی میدیایی رووداوی گوت، "ئەوانەی هەڵاتوون پێنجیان دەستگیر کراونەتەوە، کە تەمەنیان لە خوار 18 ساڵییەوە بووە."
سەبارەت بە چارەنووسی هەڵاتووەکەی دیکە، بەڕێوەبەری راگەیاندنی وەزارەتی کار و کاروباری کۆمەڵایەتی گوتی، "ئەو کەسەی دەستگیر نەکراوەتەوە خەڵکی سووریایە."
بە گوتەی ئاریان ئەحمەد، ئەو شەش کەسە "هیچیان سزادراو نین و هەموویان راگیراوی وەزارەتی ناوخۆن، لە چاکسازییەکەدا میوان بوون."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ