رووداو دیجیتاڵ
پرۆژەی دروستکردنی باڵەخانە و خانووەکانی گوند بۆ زیانبەرکەوتووانی بوومەلەرزەکەی 6-2-2023ی مەڕەش بەردەوامە و لە پارێزگای خارپێت دوو هەزار و 278 خانوو ئامادەی رادەستکردنە.
بەگوێرەی ئەو خشتەیەی بۆ زیانبەرکەوتووانی بوومەلەرزەکە دانرابوو، پرۆژەکانی دروستکردنی شوێنی نیشتەجێبوون بەردەوامن.
جەنگیز باشئەر، بەڕێوەبەری ژینگە و شارسازیی خارپێت رایگەیاند، ئێستا بە گشتی 17 هەزار و 500 خانوو لە دەوروبەر و سنووری گوندەکان دروستکراون. گوتیشی، "کاروباری تەندەری 7 هەزار و 550 یەکەی نیشتەجێبوون لە سنوورەکەدا تەواوبووە. ئێستا 2 هەزار و 978یان ئامادەن بۆ ئەوەی رادەست بکرێن".
لە چوارچێوەی قەرەبووکردنەوەی زیانبەرکەوتووانی بوومەلەرزە، لە قۆناخی یەکەمدا بڕیاری دروستکردنی 3 هەزار و 750 شوقە لە خارپێت درا. دواتر بڕیار بۆ دروستکردنی خانووی گوندیش دەرکرا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ