دەریا رۆستەم، چارەسەرکاری دەروونی و توێژەر لە بواری دەرووندروستی.
رووداو - تەندروستی
چارەسەرکارێکی دەروونی دەریدەخات، لەکاتی گۆڕینی وەرزەکان دەشێت تاک دووچاری نەخۆشیی خەمۆکیی وەرزی ببێتەوە، بەڵام ئەوەش رووندەکاتەوە کە لەو وڵاتانە باوە کە زستانیان سەختە.
دەریا رۆستەم، چارەسەرکاری دەروونی و توێژەر لە بواری دەرووندروستی هۆکاری خەمۆکییەکە بۆ گۆڕینی ماوەی شەو و رۆژ دەگەڕێنێتەوە و چەند رێگەیەکیش بۆ پێشگیری لێی پێشنیازدەکات.
ئەو چارەسەرکارە دەروونییە بە رووداوی گوت، باشترین رێگەی کۆنتڕۆڵکردنی خەمۆکی وەرزی، پەیڕەوکردنی شێوازی ژیانی تەندروستە بەتایبەت بە باشترکردنی پەیوەندییە کۆمەڵایەتییەکان و رێکخستنی کاتی خەوتن دەکرێت پێشگیری لێبکرێت.
بە پێی WHO ئامانەی خوارەوە شێوازی ژیانی تەندروستن؛
- بایەخدان بە خواردنی سەوزە و میوەکان.
- بایەخدان بە خواردنی خۆراکی دانەوێڵەی تەواو و بەرهەمە کەم چەورەکان.
- بڕی پێویست ئاو بخورێتەوە.
- بایەخدان بە پڕۆتینەکان لە ماسی، گۆشتی سوور، گۆشتی مریشک، هێلکە، تۆوی کەتان و گەنمەشامی.
- بڕێکی دیاریکراو کالۆریی رۆژانە بخورێت.
- سنووردارکردنی شەکر، چەوری و خۆراکە خێراکان.
- کەمکردنەوە و دوورکەوتنەوە لە کحول، خواردنەوە وزەبەخشەکان و خواردنەوە گازییەکان.
- خەوی باش.
- دوورکەوتنەوە لە کێشانی جگەرە و نێرگەلە.
- بیرکردنەوەی ئەرێنییانە و راهێنانەکانی ئاسوودەیی دەروون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ