رووداو - تەندروستی
توێژینەوەیەک لە بەریتانیا هەواڵیکی خۆش بۆ شۆفێرانی تاکسی و ئامبولانسەکان ئاشکرادەکات، ''ئەگەری تووشبوون و مردنیان بە نەخۆشیی ئەلزەهایمەر کەمە''.
توێژینەوەکە لە گۆڤاری JAMA بڵاوکراوەتەوە و توێژەران شیکارییان بۆ مردنی نۆ ملیۆن کەس کردووە لە 443 پیشەی جیاواز، دەرکەوت، ئەوانەی شۆفێری تاکسی و ئۆتۆمبێلی فریاکەوتنن ئەگەری مردنیان بە نەخۆشیی ئەلزەهایمەر کەمتر بووە بەراورد بە پیشەکانی دیکە کە لەنێویان شۆفێری پاس و فڕۆکەوانیشی تێدابووە.
د. ڤیشاڵ پاتێڵ، نووسەری سەرەکیی توێژینەوەکە دەڵێت، بۆمان دەرکەوتووە لە ماوەی نێوان ساڵانی 2020 و 2022؛ 1٪ـی شۆفێرانی تاکسی و 0.7٪ـی شۆفێرانی ئامبولانس بە نەخۆشیی ئەلزەهایمەر گیانیان لەدەستداوە، لەکاتێکدا پیشەکانی دیکە وەکو شۆفێرانی پاس 3٪ و فڕۆکەوان 4٪ بوون.
د. ڤیشاڵ گوتی، بەهێزبوونی مێشک و بەیەک بەستنەوەی زانیارییەکانی ناونیشانە جیاوازەکانەوە وادەکات مێشک پتەوتر بێت و وەکو راهێنانێکی بەهێزکردنی مێشک بێت، ''ئەگەریش ئەو شۆفێرانە تووشی هەر نەخۆشییەکەی لەبیرچوونەوە بن، ئەوا کەمتر مەترسی لەسەریان دروستدەبێت''.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ