رووداو - تەندروستی
بەڕێوەبەری سەنتەری تالاسیمیا لە نەخۆشخانەی گشتیی رانیە رایدەگەیێنێت، بەهۆی ئەوەی بەشێک لە پشکنینە سەرەکییەکانیان بۆ تووشبووان نییە، بە ناچاری بەشێکیان دەچنە سلێمانی بۆ پشکنین و چاودێریکردن.
ئەمڕۆ پێنجشەممە 19-12-2024 د. عیرفان جومعە، بەڕێوەبەری سەنتەری تالاسیمیا لە نەخۆشخانەی گشتیی رانیە بە رووداوی گوت، بە هاوکاریی تەندروستیی سلێمانی، کەلوپەلەکانیان بۆ دابیندەکرێت، بەڵام کێشەی نەبوونی پشکنین و شوێنی تایبەت بە سەنتەرەکەیان هەیە.
د. عیرفان جومعە دەڵێت، ''مانگانە نزیکەی 100 تووشبووی تالاسیمیا سەردانی سەنتەرەکە دەکەن، شوێنەکە بچووکە و پێویستە لە نەخۆشخانەی گشتیی رانیە جیابکرێتەوە''.
بە گوتەی بەڕێوەبەری سەنتەرەکە، ئەو ئامێرانەیان دەوێت کە پشکنینی جگەر، گورچیلە، ئاسن و ڤایرۆسەکان بۆ تووشبووانی تالاسیمیا دەکات، بۆ ئەوەی بتوانن هەر لای خۆیان چاودێریی دۆخی تەندروستیی تووشبووەکان بکەن.
ئەمساڵ 62 تووشبووی نوێی تالاسیمیا لە هەرێمی کوردستان تۆمارکراون {راپۆرتەکە ببینە}.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ