هەڵەیەک روویدا! دووبارە هەوڵبدە
رووداو- دیجیتاڵ
چا یەکێکە لەو خواردنەوانەی هەم خواستێکی زۆری لەسەرە هەمیش سوودی تەندروستیی زۆری هەن، توێژینەوەیەکی نوێ پەیوەندی دۆزیوەتەوە لەنێوان خواردنەوەی چا و کەمکردنەوەی مەترسیی تووشبوون بە بەرزەپەستانی خوێن.
توێژینەوەکە بە هاوبەشی لەنێوان پزیشکانی زانکۆی کالیفۆرنیا، ئیرڤین و زانکۆی کۆپنهاگن ئەنجامدراوە و تێیدا پەیوەندی نێوان خواردنەوەی چا و کەمبوونەوەی مەترسیی بەرزەپەستانی خوێن ئاشکراکراوە.
پرۆفیسۆر جێفری ئابۆت، یەکێک لە سەرپەرشتیارانی توێژینەوەکە دەڵێت، لەنێو چا دژە ئۆکسێنەکان هەن بە (کاتێچین) ناسراون، کە یارمەتی خاوبوونەوەی لووسە ماسولکەکانی نێو لوولەکانی خوێن دەدەن و بەمەش مەترسیی بەرزە پەستانی خوێن کەمتردەبێتەوە.
پزیشکانی سەرپەرشتیاری توێژینەوەکە دەڵێن تەنانەت تێکردنی شیر بۆ نێو چا سوودەکانی هەر وەک خۆی دەهێڵێتەوە.
پزیشکان دەڵێن چای سەوز تەندروستترین جۆری چایە و زۆرترین بڕی کاتێچینی تێدایە کە بۆ هەموو بەشەکانی جەستە سوودیان هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ