د. سەناریا رەئووف، راوێژکاری نەخۆشییەکانی خانمان و منداڵبوون - وێنەی چەند منداڵێک لەنێو ژووری شووشەیی
رووداو - تەندروستی
پسپۆڕێکی راوێژکاری نەخۆشییەکانی خانمان و منداڵبوون ئاشکرای دەکات، دەشێت ئەو منداڵانەی بە نەشتەرگەری لەدایکدەبن، زیاتر و ئاسانتر تووشی فرەجووڵەی کەمسەرنج ADHD بن یاخود ئەگەری دەرکەوتنی نیشانەکانی ئۆتیزمیان خێراتر بێت.
ئەمڕۆ دووشەممە 7-4-2025 د. سەناریا رەئووف، راوێژکاری نەخۆشییەکانی خانمان و منداڵبوون لە رۆژی جیهانیی تەندروستیدا و لەنێو بووڵتەنی تەندروستی لە بەریتانیاوە بە ئۆنلاین بەشداربوو و گوتی، بەراورد بە هەرێمی کوردستان لە بەریتانیا بە ئاسانی نەشتەرگەریی منداڵبوون بەبێ هۆکار، بۆ خانمان ناکرێت، تەنانەت ئەگەر بە رەزامەندیی دایکەکەش بێت.
د. سەناریا رەئووف دەڵێت: ''ئەگەر هەر دایکەکە داوای بکات، ئەوا باشترە دوای هەفتەی 38ـەمینی دووگیانی بێت و ئەویش دەبێت هۆکارێکی زانستی لە پشتەوە بێت، ئینجا نەشتەرگەریی بۆ دەکرێت''.
بەگوێرەی ئەو پسپۆڕە، منداڵبوون بە نەشتەرگەری و منداڵی ناکام بە هۆکاری زیادبوونی نەخۆشییە درێژخایەنەکان لە تەمەن بچووکەکانی منداڵان دەگەڕێنێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ