رووداو - تەندروستی
توێژینەوەی دەزگایەکی ئەمریکی رایدەگەیێنێت، بەشێکی بەندکراوان دوای ئازادبوونیان دەشێت تووشی کێشەی دەروونی ببنەوە، پسپۆڕێکی نەخۆشییە دەروونییەکانیش دەڵێت: بەندکراوان دوای ئازادبوونیان زۆرجار رق و کینەیان لە دڵ ماوە.
رۆژی چوارشەممە 9-4-2025 د. نزار گزال، پسپۆڕی نەخۆشییە دەروونییەکان لە بووڵتەنی تەندروستیدا رایگەیاند، دەربازنەبوون لە هەستکردن بە تاوان، بەندکراوان تووشی ناڕێکیی دەروونی دەکات و دوای ئازادبوونیان زۆرجار رق و کینەیان لە دڵ ماوە.
د. نزار گزال گوتی، ''بیرکردنەوەی نەرێنی هەست و رەفتاری نەرێنی لێ بەرهەمدێت و پێویستە راگەیاندنەکان مۆرکی شەرمەزاری لەسەر بەندکراوان تۆخ نەکەنەوە''.
هەروەها ئاماژە بەوەشدەکات، بەشێکی بەندکراوان دوای ئازادبوونیان، تووشی کێشەی کۆمەڵایەتی لەگەڵ خێزانەکەیان دەبن، هەر بۆیە پێشنیازدەکات، بەندکراوان دوای ئازادکردنیان راوێژی دەروونی بکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ