ئەڤین ئەحمەد، چارەسەرکاری دەروونی
رووداو - تەندروستی
چارەسەرکارێکی دەروونی رایدەگەیێنێت، خانمان و پیاوان دەشێت تووشی خەمۆکیی دوای منداڵبوون ببن و پاڵپشتیی دەروونی رێگەی سەرەکییە بۆ پێشگیریکردن لەوە.
ئەمڕۆ دووشەممە 7-4-2025 ئەڤین ئەحمەد، چارەسەرکاری دەروونی لە بووڵتەنی تەندروستیدا گوتی، گۆڕانکاریی دەروونی دەشێت لەدوای منداڵبوون هەم دایکەکە و هەمیش باوکەکە دووچاری ببنەوە.
ئەوەش باسدەکات کە ئەگەر خۆئامادەکردن بۆ بەخێوکردنی منداڵ هەبێت و دایکان پێشوەختە ئەوە بهێننە پێشچاوی خۆیان کە شەونخونیی زۆریان پێویستە، ئەوا ئەگەری تووشبوونیان بە خەمباریی دوای منداڵبوونیان کەمدەبێتەوە.
هەر بۆ رێگری یاخود کەمکردنەوەی خەمۆکیی دوای منداڵبوون، پێشنیازدەکات؛
1- دایکان لەگەڵ خەوی منداڵەکەیان، بخەون و پشوو بدەن.
2- بایەخ بە خواردنی خۆراکی تەندروست بدات.
3- پاڵپشتیی دەروونیی هەبێت بەتایبەت لەلایەن هاوژینەکەی.
4- ئەزموونکردنی کەسانی دیکە.
توێژینەوەیەکی نوێ لە کەنەدا دەریدەخات، رۆڵی پەرستاران و مامانەکان ئەوەندەی دەروونناس و راوێژکاری دەروونی کاریگەرە بۆ رێگری لە خەمۆکی و ناڕێکییە دەروونییەکانی دوای منداڵبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ