گرژیی نێوان دوو ئەندامی گرووپێک هەڵوەشاندنەوەی گەشتە هونەرییەکەیان بەدوادا دێت

 

رووداوەکە لە نێوان پێری فارول، گۆرانیبێژی سەرەکیی گرووپە رۆکە ئەمریکییەکە و دەیڤ ناڤارۆ، ژەنیاری گیتار روویدا.

 

کۆنسێرتەکە لە 13ـی ئەیلوولی 2024 لە کۆنسێرتی بۆستنی ئەمریکا بەڕێوەچوو، رۆژی دووشەممە 16ـی ئەیلوول، گرووپەکە بەیاننامەیەکی بڵاوکردەوە، تێیدا هاتووە، بۆ ماوەیەک وەک گرووپ پێکەوە بەردەوام نابن، بەهۆیەوە گەشتتە هونەرییەکەیان هەڵدوەشێننەوە.

 

بڕیاری گرووپەکە لە دوای بڵاوبوونەوەی ڤیدیۆی رووداوەکە دێت کە چەند کەسێک فارۆل و ماڤارۆ لە یەکدی دووردەخەنەوە و بەهۆیەوە کۆنسێرتەکە بەردەوام نەبوو.

 

ئەو گرووپە رۆکە بە گۆرانیی "Been Caught Stealing" و "Mountain Song" لە هەشتا و نەوەدەکانی سەدەی رابردوو ناوبانگی پەیداکرد.

 

ئیتی لاو فارۆل، هاوژینی فارۆل، پۆستێکی لە هەژمارەکەی لە ئینستگرام کردووە و ئاماژەی بۆ ئەوەکردووە، بەهۆی خنکانی دەنگی گرووپەکە و بەرزی دەنگ لەسەر شانۆ، پێری شەو لە دوای شەو زیاتر بێزار بووە.

 

گەشتی هونەریی گرووپەکە بەناوی "Imminent Redemption" لە سەرەتای ئابی رابردوو دەستیپێکرد، بڕیاربوو لە 16ـی تشرینی یەکەمی 2024 لە شانۆی یوتیوب لە لۆس ئەنجلس کۆتایی بێت.