جۆرج کلۆنی و براد پیت لە پێشاندانی نوێترین فیلمیاندا ئامادە دەبن

 

پێشاندانی تایبەتی فیلمەکە رۆژی چوارشەممە (بە کاتی ئەمریکا) 18ـی ئەیلوولی 2024 بەڕێوەچوو، ژمارەیەک لە هونەرمەندان لەگەڵ ئەو دوو ئەکتەرە بەسەر فەرشی سووردا تێپەڕین و ژمارەیەک هۆگرانی فیلم لە نزیک هۆڵەکە ئامادەبوون. 

 

بڕیارە ئەم بەرهەمە سینەماییە سبەی هەینی 20ـی ئەیلوول 2024 لە پلاتفۆڕمی ئەپڵ پڵەس تیڤی بڵاوبکرێتەوە. 

 

چیرۆکی فیلمەکە باس لەوە دەکات کە دوو کەس بۆ یەک ئەرکی سەخت رادەسپێردرێن و کلۆنی و پیت رۆڵی ئەو دوو کارەکتەرە دەگێڕن.

 

لە سەرەتای ئەم مانگە، فیلمی  "Wolfs"بە ئامادەبوونی ئەو دوو ئەکتەرە ئەمریکییە، لە دەرەوەی پێشبڕکێی 81ـەمین فێستیڤاڵی نێودەوڵەتیی فیلمی ڤێنس لە ئیتاڵیا پێشاندرا.

 

لە دوای پێشاندانی فیلمەکە لە فێستیڤاڵدا، پێشوازییەکی بەرچاوی لێکراوە و بۆ زیاتر لە پێنج خولەک چەپڵە بۆ ستافی فیلمەکە لێدراوە.