هاونیشتمانییەکی گوندی پەلکانەی سنووری کەرکووک دەڵێت، چوار بۆ پێنج رۆژە سوپای عێراق گوشارەکانی بۆ سەر جووتیارانی پێنج گوند زیادکردووە بۆ ئەوەی زەوییەکانیان نەکێڵن. سەرۆکی لیژنەی جووتیارانی سەرگەڕانیش دەڵێت، "بڕیارێک دراوە هەموو زەوییەکانمان بکێڵین تەنها هەندێک نەبن کە کێشەیان یەکلانەبووەتەوە، بەڵام سوپا کار بەو بڕیارە ناکات و رێگەنادات جووتیاران لەسەر هیچ زەوییەک کار بکەن."
جێگری پارێزگاری ورمێ درەنگانی شەوی رابردوو رایگەیاند، لە رۆژی شەممەوە چوونی گەشتیاران لە رێگەی دەروازەی حاجی ئۆمەران دەوەستێت. سەرپەرشتیاری دەروازەی سنووری حاجی ئۆمەرانیش رەتیدەکاتەوە هاتنی زیارەتکاران لە رێگەی ئەو دەروازەیەوە وەستابێت.
کۆچبەرێکی کوردی خەڵکی رۆژهەڵاتی کوردستان دەڵێت، 55 کەسن لە نێو یەختێکدا لە سنووری ئاویی یۆنان گیریان خواردووە کە بەشێکیان کوردن، 10یان ژنن و هەموویان باشن، تەنیا ئەوەیە ژنەکان کەمێک دۆخیان خراپە.
"قاچاخچییەک کە هەر زۆر زۆر ناسیاوی خۆمان بوو"
کاردانەوە و گۆشارەکانی سەر حکومەتی بەریتانیا لەسەر ئاستی ناوخۆی ئەو وڵاتە و نێودەوڵەتییش زیاتر دەبن بۆ هەڵوەشاندنەوەی یەکەم گەشتی دوورخستنەوەی ژمارەیەک کۆچبەری نایاسایی بۆ دووری 6,500 کیلۆمەتر و جێگیرکردنیان لە رواندا کە بڕیارە رۆژی سێشەممە 2022/06/14 بکرێت. هاوکات لەو هەوڵانەدا تکتی نۆ کۆچبەری کورد کە بڕیار بوو بنێردرێنە رواندا، هەڵوەشاوەتەوە.
تریفە حەمید بە چاوی پڕ فرمێسک و ترسی هەڵوەشانەوەی خێزانەکەی و بەخێوکردنی چوار منداڵ، کە یەکێکیان نەخۆشە، لە بەریتانیاوە دەڵێت، "من و چوار منداڵەکەم پاسپۆرتی بەریتانیامان هەیە، تەنیا هاوژینەکەم کە زیاتر لە 21 ساڵە لەم وڵاتەیە، مافی مانەوەی پێنەدراوە."
ئەندامێکی مەکتەبی سیاسی یەکێتیی نیشتمانیی کوردستان لەبارەی رێککەوتنی پارتی و یەکێتی لەسەر پۆستی سەرۆککۆماری عێراق ئاماژە بەوە دەکات، تا 9ی کانوونی دووەم و بۆ یەکەم دانیشتنی پەرلەمان ئەو پۆستە یەکلایی نابێتەوە، بەڵام پارتی و یەکێتی و لایەنە کوردستانییەکان دەتوانن لەسەر ئەوە بگەنە رێککەوتن.
سێ رۆژە کەسوکاری نۆ کۆچبەری بێسەروشوێنبووی رۆژهەڵاتی کوردستان لە تاران لە بەردەوام باڵیۆزخانەی تورکیان و داوای ئازادکردنی دەستبەسەرکراوانیان دەکەن کە پێیانوایە چوار مانگ پێش ئێستا لە تورکیاوە دیپۆرتی سووریا کراون.
زیاتر لە 4 چوار مانگە ژمارەیەک کۆچبەری کورد دوای ئەوەی لە تورکیا دەستگیرکران، دیپۆرتی سووریا کرانەوە و، تاوەکو ئێستا چارەنووسیان نادیارە. کەسوکارەکانیان بۆ دووەمجار لە بەردەوام باڵیۆزخانەی تورکیا لە تارانی پایتەختی ئێران گردبوونەوە و داوای زانیاریی لەبارەی کۆچبەرەکان دەکەن.
بە مەبەستی ئاوەدانکردنەوە و هاندانی خەڵکی شنگال بۆ گەڕانەوەیان، حکومەتی عێراق 28 ملیار دیناری بۆ جێبەجێکردنی چەند پرۆژەیەکی خزمەتگوزاری لە شنگال تەرخان کردووە. قایمقامیەتی شنگالیش ئەو پارەیە رەتدەکاتەوە و داوادەکەن پارەکە زیاد بکرێت
