Hewlêr (Rûdaw) - Futbolîstê berê Mesut Ozîl bi deqa "gurê boz" ya li ser sînga xwe bi rojan e li Almanyayê bûye sedema nîqaşên germ.
Wêneyê dawî yê Mesût Ozîl li Almanyayê deng veda. Ozîl, li ser sînga xwe ya çepê gurboz û 3 heyv xêz kirine.
Ev deqa nijadperest a li ser sînga Mesût Ozîl, çend roj in ku li Almanyayê bûye sedema bertekan.
Gurê boz û sê heyv, sembolên tîpîk ên nijadperestên tundrew ên Tirk in.
Îdeolojiya "gurên boz" ji aliyê desthilatdarên Almanyayê ve weke nijadperestî û antî-semîtîstîzmê tê binavkirin.
Herwiha îdeolojiya gurên boz, Tirkan ser her tiştî re dibîne.
Ev îdeolojî Kurd, Cihû, Xiristiyan û Ermeniyan wek dijminên xwe dibîne.
Gurên boz di dema borî de, bi taybetî di salên 1970yî de, gelek kiryarên tundî û kuştinê kirine.
Li seranserî Ewropayê bi taybetî di navbera alîgirên fikra gurên boz û Kurdan de gelek caran pevçûn derdikevin.
Awisturyayê sala 2019an sembola gurê boz weke sûc qebûl kir.
Fransayê jî sala 2020an şaxa Gurên Boz a herêmî qedexe kir.
Herwiha Bundestagê (Parlamentoya Federal a Almanyayê) di 18ê Çiriya Paşîn a 2020an de biryar da ku li ser qedexeya gurên boz lêkolînê bike lê heta niha ti biryar nehatiye dayîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse