Serokê Ukraynayê Volodymyr Zelensky çû Izyumê
Hewlêr (Rûdaw) - Di şerê navbera Rusya û Ukraynayê de, hêzên Ukraynayê gelek deverên wek Izyumê li bakurê rojhilatê wî welatî ji dest hêzên Rusî derxistin û li ser pêşveçûna xwe jî berdewam in û bi berdewamî welatên Ewropa û Amerîka jî rijd in li ser dayina alîkariyên serbazî û mirovî bo Ukraynayê. Serokê Ukraynayê Volodîmîr Zelensky, bi xwe çû Îzyumê, serdana leşkerên xwe kir û li nav bajêr geriya.
Artêşa Rûsyayê jî behsa pêşveçûnên Ukraynayê nake lê pêdagir e li ser kontrolkirina temamiya navçeya Donbas li rojhilatê Ukraynayê.
Tankên Artêşa Ukraynayê piştî serkeftineke mezin li beramber Rûsyayê li dor bajarê Îzyumê dizivirin.
Îzyum bereya pêş a şer bû li herêma Xarkivê ku niha ketiye destê Artêşa Ukraynayê.
Leşker di Yekeya Xwebeşên Krakin Grantisia got, “Tenê direvin. Teqeyeke biçûk hebe lê ne weke roj û mehên yekem ên destpêka dagirkeriyê bû, dema me didît.”
Serokê Ukraynayê Volodîmîr Zelensky, bi xwe çû Îzyumê, serdana leşkerên xwe kir û li nav bajêr geriya.
Bi gotina Zelensky, ji 6ê Îlonê ve Artêşa Ukraynayê 8 hezar û 500 kîlometreçargoşe kontrolkirine, di nav wan 8 hezar û 500 kîlometre çargoşeyan de 400 gund û bajarok ji jêr destê Rûsyayê hatine derxistin ku cihê niştecihbûna zêdeyî 150 hezar kesan bûn. 110 kîlometreçargoşe tenê di 5 rojan de kontrolkirine.
Leşkerê Ukraynî Olîksî anî ziman, “Ji ber rûbirûna serkeftiyane ya li Balakilyayê li nêzîkî Îzyumê, hêlên berevanî û lojîstîkî yên artêşa dujmin têkçûn. Tenê erkê me ew bû ku pêşvebiçin. Biçin pêş û hêzêm dujmin jinav bibin ku li wê navçeyê mabûn.”
Artêşa Rûsyayê behsa pêşveçûnên Ukraynayê nake lê pêdagir e li ser kontrolkirina temamiya navçeya Donbas a li rojhilatê Ukraynayê.
Dîmîtrî Peskov di konferansekê de ragihand "operasyona leşkerî ya taybet berdewam e û berdewam jî dibe heta ku armancên xwe yên sereke bi dest dixin."
Peskov ew îdia jî red kirin ku Rûsyayê ji tirsa ji destdana axê hêzên xwe xistibin tevgera giştî.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse