Hewlêr (Rûdaw) - Spanyayê di pêşbirka fînalê ya Kûpaya Cîhanê ya Jinan a FIFAyê ya 2023yan de Brîtanya 1-0 têk bir û bû şampiyon.
Pêşbirka fînalê ya 9emîn Kûpaya Cîhanê ya Jinan a FIFAyê li Stadyuma Olîmpîk a Sydneyê ya Awustralyayê hat lîstin.
Di pêşbirka fînalê de tîmên jinan ên Spanya û Brîtanyayê hatin hemberî hev.
Lîstikvana Spanyayê Olga Carmonayê di xuleka 29an de welatê xwe 1-0 xist pêş.
Nîveka yekem a lîstikê bi vê encamê bi dawî bû.
Spanyayê xuleka 68an penaltiyek bi dest xist lê nekir gol.
Spanyayê Brîtanya 1-0 têk bir û cara yekem bû şampiyon.
Spanya; piştî Amerîka, Norwêc, Almanya û Japonyayê 5emîn tîma cuda ye ku Kûpaya Cîhanê ya Jinan a FIFAyê wergirtiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse