Hewlêr (Rûdaw) - Platforma Yekîtî û Têkoşîna Tenduristî û Xizmeta Civakî (SABIM) ji bo balê bikişîne ser binpêkirinên mafên bijîşkan û kedkarên tenduristiyê du rojan dest ji kar berdidin. Dê karmendên beşên hewarçûnê li ser kar bimînin.
19 saziyên civaka sivîl ên ku di warê tenduristiyê de dixebitin û li ser Platforma Yekîtî û Têkoşîna Tenduristî û Xizmeta Civakî ne, di daxuyaniyekê de ragihandin ku bijîşk û karmendên tenduristiyê li Tirkiye û Bakurê Kurdistanê dê 2 rojan dest ji kar berdin.
Derbarê vê çalakiyê de SABIMê ragihand ku bi deh hezaran bijîşk, bi sed hezaran perestar û karmendên tenduristiyê yên ku SABIM nûnertiya wan dike dê 1-2ê Tebaxê dest ji kar berdin û dê tenê beşên hewarçûnê li ser kar bimînin.
Li gor daxuyaniyê, bijîşk û karmendên tenduristiyê di wê çalakiyê de dê daxwaza van mafan bikin:
“Parastina bijîşkan ji tûndûtîjiyê, wergirtina heqdest û mafê westana xwe, parastina mafên bijîşk û karmendên tenduristiyê, sererastkirina şert û mercên karkirinê û rêzgirtina li wê pîşeyê.”
Herweha SABIMê ji hemû aliyan xwest ku piştgiriyê bidine çalakiya wan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse