Hewlêr (Rûdaw) – Li parêzgeha Îzmîrê ya Tirkiyeyê, li Deryaya Egeyê erd hejiya.
Erdhejê demjimêr 08:19an rû da û mezihaniya wê 5,1 pile bû.
Serokatiya Rêveberiya Karesat û Rewşên Bilez a Tirkiyeyê (AFAD) ragihand ku kûrahiya erdhejê 8,51 kîlometre bûye.
Herwiha navenda wê erdhejê jî Kendava Kuşadasiyê bû û bajarên derdorê jî hest pê kiriye.
Li aliyê din, Parêzgarê Îzmîrê Suleyman Elban li ser erdhejê daxuyanî da û got, “Em ji rewşeke neyînî nehatine agahdarkirin.”
Di erdhejên 6ê Sibata 2023yan ên Mereşê de li 11 parêzgehên Tirkiye û Bakurê Kurdistanê herî kêm 50 hezar kesî canê xwe ji dest da.
Ji wê demê ve erdhejên paşekî berdewam dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse