Hewlêr (Rûdaw) - Li navçeya Arnavutkoyê ser bi parêzgeha Stenbolê ya Tirkiyê, di 7 malan de 38 koçber hatin desteserkirin.
Rêveberiya Ewlekariya Stenbolê dibêje, roja 19ê Nîsanê li navçeya Arnavutkoyê tîmên Şaxa Dijî Qaçaxçitiya Koçberan û Deriyên Sînorî bi ser 7 malên ku bo koçberan hatibûn kirêkirin de girtine.
Di operasyonê de li 7 malan 38 koçberên qaçax û 2 xwediyên malan hatine desteserkirin.
Derbarê xwediyê malan de karên yasayî hatin destpêkirin û 218 hezar û 120 lîre cezayê îdarî bo wan hat birîn.
Her 38 koçber jî bi armanca dersînorkirinê, bo Îdareya Koçê hatin radestkirin. Lê nehatiye diyarkirin ka xelkê çi welatî ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse