Hewlêr (Rûdaw) - Kabîneya Hikûmeta Tirkiyê, îro li Enqerê bi serokatiya Serokkomarê Tirkiyê Recep Tayyip Erdogan dicive û mijara sereke rewşa aborî û rûbirûbûna enflasyonê ye.
Kabîneya Hikûmeta Tirkiyê, îro demjimêr 14:00 bi serokatiya Recep Tayyip Erdogan li Enqerê dicive.
Di rojeva kabîneyê de nirxandina serdana Erdogan a bo welatên Kendavê, 18 rêkeftinên ku di serdanê de hatine îmzekirin, rûbirûbûna enflasyonê û tedbîrên dijî zêdebûna kirêya xaniyan hene.
Herwiha di civînê de amadekariyên girêdayî proseya girêbesta giştî ya serdema 7emîn a fermanber û xanenîşînan jî dê bê nirxandin.
Tê çaverêkirin, di civînê de mijara operasyonên leşkerî yên navxwe û derveyî sînor jî bên gotûbêjkirin.
Tê payîn ku piştî civînê Erdogan daxuyaniyekê bide medyayê û biryarên ku di civînê de hatine dan, aşkere bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse