Hewlêr (Rûdaw) - Hevdîtina parêzeran a bi rêberê PKKyê Abdullah Ocalan re 6 mehên din jî hat qedexekirin.
Buroya Hiqûqê ya Sedsalê li hemberî biryarê dê serî li Dadgeha Destûrê ya Tirkiyeyê bide.
Li gorî nûçeya Ajansa Mezopotamyayê (MA), hevdîtina parêzeran a bi Abdullah Ocalan, Omer Hayrî Konar, Veysî Aktaş û Hamîlî Yildirimê ku li Girtîgeha Îmraliyê tên girtin hatiye qedexekirin.
Parêzerên Ocalan ji bo hevdîtina bi miwekîlê xwe re serî li Dadweriya 2yemîn a Înfazê ya Bursayê da.
Parêzeran da zanîn ku 6ê Çiriya Paşîn ji bo muwekîlên wan "6 meh qedexeya hevdîtinê" ya nû hatiye ragihandin.
Parêzerên Ocalan li ser vê yekê li Dadgeha Cezayê Giran a Bursayê îtirazî biryarê kir lê dadgehê îtiraza parêzeran red kir.
Parêzer li dijî biryarê dê serî li Dadgeha Destûrê ya Tirkiyeyê bidin.
Herî dawî 3yê Gulana 2024an hevdîtina bi Ocalan re 6 mehan hatibû qedexekirin.
Herî dawiyê Parlamenterê DEM Partiyê yê Rihayê Omer Ocalan 23yê Çiriya Pêşîn a îsal çûbû Îmraliyê.
Lê hevdîtina malbat û parêzeran a bi Ocalan re ji 2016an ve bi hincetên cuda cuda tê qedexekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse