Hewlêr (Rûdaw) - Li parêzgeha Stenbolê di çarçoveya lêpirsîna “Çeteya Yenîdoganê” de ruxsetên 9 nexweşxaneyên ku di îdianameyê de navê wan derbas dibe hatin betalkirin.
Di nava wan nexweşxaneyên ku ruxsetên wan hatine betalkirin de nexweşxaneya taybet a Avcilar Hospitalê jî heye ku xwediyê wê yek ji wezîrên berê yên tenduristiyê yê Tirkiyeyê Mehmet Muezzinoglu ye.
Lêpirsîna “Çeteya Yenîdoganê” ku tê îdiakirin ji bo rojane 8 hezar lîre ji Saziya Ewlehiya Civakî (SGK) wergirin pitikên nû ji dayik bûne di beşa çavdêriya hûr de girtine û bûne sedema mirina wan berdewam e.
Di vê çarçoveyê de ruxsetên 9 nexweşxaneyan hatin betalkirin.
Birêvebiriya Giştî ya Xizmetên Tenduristiyê 19ê Çiriya Pêşîna 2024an ji bo Birêvebiriya Tenduristiyê ya Stenbolê belgeyek şandiye û dibêje, kar û xebatên 9 nexweşxaneyan hatine rawestandin û divê nexweşên nû neyên qebûlkirin.
Wezîrê Karên Navxwe yê Tirkiyeyê Alî Yerlîkaya ragihandibû ku di çarçoveya lêpirsînê de 47 kes tên darizandin û ji wan 22 kes girtî ne.
Nexweşxaneyên taybet ên ku ruxsetên wan hatine betalkirin ev in:
Avcilar Hospital
TRG Hospitalist
Nexweşxaneya Birinciyê
Nexweşxaneya Guneyê
Bagcilar Medilife
Beylîkduzu Medilife
Nexweşxaneya Reyap Istanbulê
Nexweşxaneya Şafakê
Silivri Kolan Hospital
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse